Perez angazhohet personalisht për Ramires

Real Madridi ka vendosur të bëjë përpjekje maksimale për transferimin e mesfushorit të Chelseat, Ramires.

Marca raporton se presidenti Florentino Perez ka vendosur të angazhohet për brazilianin, pas një bisede që ka pasur me Carlo Ancelottin.

Kreu i Los Blancos mendon se meqë 27-vjeçarin e kërkon trajneri, atëherë ia vlen që ta transferojë.

Ka qenë pikërisht strategu italian që e transferoi Ramiresin te Chelsea gjatë kohës kur ishte në krye të klubit nga Stamford Bridge.

Mirëpo, Jose Mourinho ka vënë kusht se për të ndodhur kjo marrëveshje, Luka Modric duhet të shkojë në drejtim të kundërt.