Lenovo K920, model me super-specifika

Disa fotografi dhe specifika të listuara në internet kanë zbuluar modelin e ri të telefonit të mençur mobil Android nga prodhuesi kinez Lenovo, dhe me sa duket bëhet fjalë për Lenovo K920 i cili sjell disa karakteristika të lakmueshme.

Lenovo K920 sjell ekranin me diagonalen prej 6 inç në formatin QHD me rezolucion prej 2560 x 1440 pikselëve, si dhe procesorin quad core 2.5GHz Qualcomm Snapdragon 801.

Modeli i ri i telefonit Android në Kit Kat nga Lenovo ofron edhe 3GB RAM dhe 32GB memorie të brendshme, si dhe dy kamera, në të dyja anët e pajisjes. Kamera e pasme sjell 16MP, ndërsa ajo e përparme sjell 5MP.

K920 gjithashtu ofron edhe mbështjellësin e metaltë, bashkë me Android 4.4.2 Kit Kat, me LTE, Bluetooth dhe WiFi. /