Reali dhe Barca do ta testojnë Cityn për Agueron

Real Madridi dhe Barcelona do të përpiqen që t’ia rrëmbejnë Manchester Cityt sulmuesin Sergio Aguero.

Marca raporton se Los Blancos kanë kthyer interesimin kah argjentinasi, i cili gjendet në Brazil me përfaqësuesen e tij për Kampionatin Botëror.

Më herët gjatë këtij muaji është raportuar se Blaugranët kanë bërë ofertë për 26-vjeçarin.

Sipas njoftimit, Barca kishte ofruar rreth 70 milionë euro për sulmuesin, por ende nuk ka marrë një përgjigje.

City nuk është i interesuar që ta shesë Agueron, mirëpo do të detyrohet të lëshojë pe në rast se futbollisti kërkon largimin.