Pippa do të kalojë 5.000 km me biçikletë

Pippa Middleton, motra e dukeshës Kate, është duke u përgatitur për një sfidë të madhe, gjegjësisht për vozitje me biçikletë nëpër SHBA.

Ajo është pjesë e ekipit të çiklistëve, të cilët do të përshkojnë rreth 5.000 kilometra, nga Oceanside (Kaliforni) deri në Annapolis (Maryland).

Udhëtimi i tyre fillon të shtunën, ndërsa 30-vjeçarja dhe vëllai i saj, James, janë të regjistruar për këtë vozitje, së bashku me mikun e tyre, James Matthews.

Pjesëmarrës në këtë udhëtim janë tetë persona, ndërsa qëllimi i tij është me karakter human dhe për nder të vëllait të Matthews, Michael, i cili ndërroi jetë në vitin 1999 duke u lëshuar nëpër Mont Everest.